Os adestramentos de xuvenís comezarán o 1 de setembro
Co remate do verán volven os adestramentos para a base do CD Burela FS. Os primeiros en poñerse mans á obra serán os xuvenís, que comezarán a preparación 2010-11 o vindeiro mércores, 1 de setembro, baixo as ordes de Iván Cao ‘Lucas’.
O club convida á primeira sesión de adestramento 2010-11, o día 1, no pavillón Vista Alegre (18.00 horas) a todos aqueles rapaces nados entre 1992 e 1994 que estean interesados en formar parte do conxunto xuvenil laranxa.
Sobre o inicio da tempada para os cadetes, ofreceremos información nos próximos días.
Unha das principais apostas do CD Burela FS reside na formación de base. Dende 2007, a entidade xestiona a escola municipal de fútbol sala na vila; unha media de 150 alumnos/as de entre 6 e 14 anos pasan polos adestramentos laranxas cada tempada. Os equipos cadete e xuvenil pertencen ás categorías inferiores do club.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.
Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.
Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.