16/08/2010

O Burela FS Feminino vence o Cidade das Burgas (2-1) na primeira cita da pretempada

O Burela FS Feminino vence o Cidade das Burgas (2-1) na primeira cita da pretempada

O Burela FSF Pescados Rubén saíu airoso do seu primeiro asalto da pretempada vencendo por 2-1 ao Cidade das Burgas, na Semana Eypar de Melide.


Nun encontro sen sorpresas e coas imprecisións habituais do comezo da pretempada, onte foron as burelistas as que se adiantaron no marcador cunha xogada de estratexia dende o córner que finalizou Ro. Non obstante, as ourensás recortaron a distancia antes do descanso; a dous minutos do asubío chegou o empate dende un saque de banda.


Co comezo da segunda parte, as laranxas fóronse atopando máis cómodas na pista, o que tamén repercutiu na mellora do xogo. No minuto 24 e coa acumulación de 5 faltas, Pardeiro optou pola saída de Dolo como porteira-xogadora. Cuchi foi a encargada de devolverlles a vantaxe ás mariñás (2-1), a tres minutos do final.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.