02/08/2010

O cadro de Suso Rey preséntase o 6 de agosto na bomboneira

O cadro de Suso Rey preséntase o 6 de agosto na bomboneira

O vindeiro venres, 6 de agosto, a bomboneira dará a coñecer o proxecto do CD Burela FS para a emocionante División de Prata da vindeira tempada, coa presentación do cadro de Suso Rey. Os protagonistas do espectáculo laranxa 2010-11 saltarán á pista de Vista Alegre a partir das 21.00 horas.


Con esta cita, o Burela FS inaugurará oficialmente a súa pretempada, que se clausurará o 4 de setembro, coa visita do Melilla FS, na primeira xornada da liga. O conxunto laranxa estreará os amigables de preparación en Vista Alegre, o 14 de agosto, co partido de presentación ante a afección fronte ao Mera FS, de Primeira Nacional A. O 17 de agosto, na Semana Eypar de Melide, o cadro burelista enfrontarase ao Marfil Santa Coloma, de Honra, e o 19 ao Concello de Trabada FS, de Primeira Nacional B.  O seguinte destino será A Mariña, os días 21 e 22, co Memorial Celso Currás de Trabada, que dará paso a un triangular na Pontenova o 24, fronte ao Marfil e Superti-A Pontenova (Primeira A). Na cidade das Burgas, o rival será o honorable Xacobeo 2010 Lobelle de Santiago, o 28 de agosto. Vista Alegre despedirá a pretempada laranxa o 1 de setembro, coa visita do Pinturas Brulak FS, recentemente ascendido a Primeira A.


Como antesala da estrea do Burela FS 2010-11, a peña A Pataca Naranxa disputará un amigable, o mesmo 6 de agosto, con dous equipos configurados polos seus socios/as, a partir das 20.00 horas. Tras a presentación, a peña ofrecerá uns aperitivos para os asistentes ao evento.


Feminino. A gala de presentación do Burela FSF Pescados Rubén, que comezará a adestrar o 10 de agosto, terá lugar o venres 20 en Vista Alegre. A localidade coruñesa de Melide acollerá a primeira cita das pupilas de Javier Pardeiro, na Semana Eypar, o domingo 15, ante o Cidade das Burgas, conxunto que debutará esta tempada en Honra.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.