23/07/2010

Irene volverá defender a meta do Burela FSF Pescados Rubén

Irene volverá defender a meta do Burela FSF Pescados Rubén

A porteira Irene volverá defender a meta do Burela FSF Pescados Rubén a vindeira tempada, despois de selar a súa renovación, esta semana, na compaña do vicepresidente da entidade laranxa Manuel Blanco.


Irene amosouse contenta por “ter a oportunidade de gozar outro ano da División de Honra, despois dunha primeira experiencia extraordinaria”, aínda que este novo reto tamén lle impón moito respecto. “Será unha competición moi difícil pola calidade dos rivais; algúns equipos, como o Ponte Ourense ou  o Navalcarnero, estiveron áxiles nos reforzos e van dar moito que falar” dixo a gardameta.


Manuel Blanco salientou o labor de Irene na ensinanza dos máis pequenos, coa incorporación en 2009-10 dos adestramentos específicos de porteiros na escola deportiva, ademais de congratularse por “pechar a permanencia de Irene, como garante da solidez laranxa baixo os paus, compartindo responsabilidades con Jozi”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.