O italo-brasileiro Jean Cividini incorpórase ás filas laranxas
O italo-brasileiro Jean Carlos Cividini será xogador do Burela FS en 2010-11. O mozo pivote, de 22 anos, incorporarase ás filas laranxas co inicio da pretempada, o vindeiro luns, 26 de xullo, procedente do Loreto Aprutino, da Serie B ‘azzurra’.
Para Cividini, esta será a primeira experiencia na liga española. Nado o 6 de abril de 1988, o xogador comezou a destacar deportivamente no Brasil; deu os seus primeiros pasos futbolísticos no Hering Futsal (2003-04) e no Joaçaba Futsal (2004-06), coa convocatoria da Selección Catarinense Infantil e o recoñecemento como máximo goleador do Joaçaba en 2004, entre outros méritos.
Con 19 anos, Cividini cruzou o charco para facerse un sitio na competición italiana a través do club Reggiana (2007-08), da Serie A2 da Divisione Calcio a 5; nesta tempada recibiu o título de Mellor Xogador do Trofeo ‘Città di Forlì’. En 2008-09 debutou na Serie A1 co Ponzio Pescara. O pivote italo-brasileiro vén de disputar o ascenso á Serie A co Loreto en calidade de cedido polo Pescara.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas
Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.
Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.
Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.