02/07/2010

Raquel de Souza causa baixa no Burela FS Feminino

Raquel de Souza causa baixa no Burela FS Feminino

A ala-pivote Raquel de Souza causará baixa para o exercicio 2010-11. Tras un achegamento inicial por ambas as dúas partes, o club laranxa e a xogadora brasileira non chegaron a un acordo para a renovación da súa relación contractual.


Souza, de 32 anos, chegou ao conxunto mariñán en 2009-10, procedente do Atlético de Madrid Navalcarnero, para o debut do Burela FSF Pescados Rubén na máxima categoría do fútbol sala español. Coa camiseta laranxa, a ala-pivote destacou polo seu forte carácter e a súa faceta goleadora, con 20 tantos anotados na liga como vicepichichi do equipo, por detrás de Lucía (24). 


O Burela FSF quere manifestar o seu “agradecemento á veterana brasileira pola súa contribución na estrea do equipo en Honra e deséxalle o mellor na súa nova etapa”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.