25/06/2010

Turero seguirá no Burela FS dúas tempadas máis

Turero seguirá no Burela FS dúas tempadas máis

O canteirán Rubén García Freije, Turero, seguirá vinculado ao CD Burela FS nas dúas próximas tempadas. O pivote trabadense formalizou esta semana a súa renovación nas oficinas da entidade laranxa acompañado polo directivo José Luis Sáez.


Turero recoñeceu a súa ledicia por manter a cor laranxa na súa emerxente traxectoria deportiva: “Tiña moitas ganas de seguir no Burela FS; no meu primeiro ano en Prata aprendín moito e para min é unha honra que o club conte comigo”. Coa mente posta xa no futuro, Turero augura espectáculo e emoción para o vindeiro exercicio en Vista Alegre: “Creo que o club sempre dará a cara. Conta cunha afección enorme e ten un percorrido difícil de igualar en Prata. Por iso creo que o ano que vén seguiremos a gozar do fútbol sala na Mariña. En Prata haberá nivel suficiente para garantir, de novo, unha boa competición”.


Pola súa banda, José Luis Sáez identificou a continuidade de Turero como un claro exemplo da “aposta decidida do Burela FS pola canteira”. “Á súa condición de promesa súmase o feito de que é un deportista da terra, que transmite uns valores irrenunciables para este club” explicou o directivo burelista, que tamén incidiu no meritorio labor do xogador no seu debut co primeiro equipo: “Estamos plenamente satisfeitos co papel que desempeñou esta tempada e cremos que este é o camiño para a xente que vén da base”.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.