06/06/2010

O equipo feminino vence en Madrid por 2-4

O equipo feminino vence en Madrid por 2-4

As de Javier Pardeiro foron superioras en todo momento, aínda que pasaron algún apuro cando as locais apostaron pola porteira-xogadora. Comezou anotando Claudia o 0-1 a pase de Ro, cando só levaban xogados 6 minutos da primeira parte. Rosana fixo o 0-2 a poucos segundos do descanso.


O xogo seguiu sendo das laranxas e Ro volvía a marcar no 29 logo dun gran pase de Dolo ao segundo pau. Vero deulle folgos ao Soto del Real cun gol no 31 (1-3), pero Claudia batía de novo a meta local cando empezaban a xogar con cinco para intentar darlle a volta a un resultado que se lles complicaba definitivamente (1-4. Minuto 32).


Pese á presión rival, o Burela FSF xa só cedeu un gol máis no último treito do encontro (2-4. Minuto 37), pero xa estaba decidida unha vitoria que en ningún momento viron perigar as mariñás, que volvían deste xeito cun merecido trunfo de Soto del Real, por xogo e por oportunidades.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.