21/05/2010

A quinta praza rioxana, no punto de mira das laranxas

A quinta praza rioxana, no punto de mira das laranxas

O Burela FSF Pescados Rubén parte hoxe con rumbo a Logroño para medirse nun duelo moi igualado ao Diamante La Rioja. Mañá, a partir das 18.00 horas, as anfitrioas defenderán a súa quinta praza (51 puntos) no Palacio dos Deportes ante as laranxas, que pelexarán por reducir a distancia, dende o sexto posto (46 puntos).


Despois da escalada proporcionada pola rotunda vitoria ante o Castelledefels (9-0), as pupilas de Javier Pardeiro buscarán repetir o triunfo da primeira volta, cando se impuxeron por 4-1 ás rioxanas. No entanto, o Diamante non lles porá as cousas fáciles posto que é un rival moi sólido na casa; no que vai de segunda volta, a súa fortaleza como local tan só foi neutralizada polo UCAM Murcia (3-8) hai un par de semanas.


Mirando o resto da táboa, poñen en perigo o estatus burelista, por detrás, Atlético de Madrid (45 puntos), que visita o Castelldefels, penúltimo, e Valladolid (44 puntos), que recibe Kupsa 4 Arcos Logroño, duodécimo.


Para a cita da trixésima xornada de Honra, Javier Pardeiro non acusará mingua de efectivos, fronte ás baixas diamantinas de Garu e Andrea, anunciadas dende o propio club.


 


Burela FSF-Móstoles. A entidade laranxa colgará a etiqueta da solidariedade no emocionante duelo da próxima semana en Vista Alegre, entre o Burela FSF e o Móstoles FSF, terceiro clasificado. Deste xeito, a recadación do encontro vai ser destinada integramente á asociación de discapacitados Camiña de Burela, coa que o club mantén unha estreita colaboración dende hai anos.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.