17/04/2010

Os laranxas empatan en Tudela (2-2) e reducen a distancia co liderado

Os laranxas empatan en Tudela (2-2) e reducen a distancia co liderado

O Burela FS regresa de Tudela cun punto, tras o empate 2-2 fronte ao OPDE Ribera Navarra. Un punto que sabe a pouco, tendo en conta que o líder talaverano caeu na casa do Illescas (3-2), pero un punto moi práctico, que serve para colocarse a tres da cabeza do Grupo Norte.


O dominio laranxa non tivo esta tarde a recompensa merecida, a pesar de que todo apuntaba a un desenlace de celebración. O pichichi burelista, Dani Martín, sacoulles brillo ás súas zapatillas para inagurar o electrónico, no minuto 4, e poñer as cartas enriba da mesa. Porén, aos tres minutos, volvía a igualada dun lanzamento de Lupu. Sen conformarse co devir do encontro, Revilla foi quen repetiu vantaxe (minuto 14) nunha das innumerables ocasións dos mariñáns.


Tras o descanso e con 1-2, o Burela FS continuou na liña dominadora; aínda que o equipo laranxa viu reducidas as súas chegadas á portería rival, tamén desaproveitou tres oportunidades claras de sentenciar o partido. Despois dun incesante control laranxa, o porteiro-xogador volveu aparecer como o verdugo para os pupilos de Suso Rey. Faltando poucos segundos para o asubío final, Passarinho, nun tiro cruzado dende fóra da área, subiu o 2-2 ao marcador, sen opcións de recuperarse para os mariñáns.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.