16/04/2010

Semana de decisións para a LNFS e a ACFSF

Semana de decisións para a LNFS e a ACFSF

Con moita competición aínda por disputar na presente tempada, o exercicio 2010-11 reclama atención na planificación. Así, esta converteuse nunha semana de decisións e proxectos para dous dos organismos reitores do fútbol sala español, a Liga Nacional de Fútbol Sala (LNFS) e a Asociación de Clubs de Fútbol Sala Feminino (ACFSF), e, como non, para o CD Burela FS.


O mércores pasado, a entidade mariñá estivo representada polo seu directivo Antonio Ródenas como un dos 19 clubs da División de Prata presentes na Asemblea Extraordinaria da LNFS. A expulsión dos clubs que non teñan as débedas saldadas a 21 de xuño, o establecemento de novas cotas de acceso a Honra e Prata e o pagamento arbitral por xornadas foron os principais acordos da reunión, na Cidade do Fútbol de Las Rozas.


Mañá tocaralle a quenda ao fútbol sala feminino. O directivo José Luís Sáez representará o club laranxa na xuntanza que organiza a ACFSF en Madrid (12.00) para programar o calendario 2010-11, punto no que o CD Burela FS propoñerá o traslado da Copa de España ao remate da liga, como colofón da tempada, ou, no seu defecto, que se celebre de forma paralela á Copa masculina.   

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.