12/04/2010

O Burela FSF, arroupado por Raquel Arias na Copa de España

O Burela FSF, arroupado por Raquel Arias na Copa de España

A delegada territorial da Xunta de Galicia en Lugo, Raquel Arias, acompañou o Burela FSF Pescados Rubén na véspera da súa estrea na XVI Copa de España.


O xoves pasado, Arias trasladouse a Ourense para mostrar o seu apoio ao equipo mariñán, nunha xuntanza na que tamén estiveron presentes os vicepresidentes do club, José Saa e Manuel Blanco, e o directivo Marcelino Luna. En sinal de gratitude, o conxunto burelista fíxolle entrega á delegada territorial dunha camisola do Burela FSF asinada por xogadoras e equipo técnico.


Así mesmo, a entidade laranxa tamén quere expresar o seu agradecemento ao delegado de Deportes da Xunta en Lugo, José Manuel Rozas, e ao deputado provincial e portavoz do PP en Burela, José María González Barcia, que apoiaron o debut do Burela FSF na Copa asistindo ao encontro dos cuartos, ante o Femesala Elche, o venres pasado.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.