06/04/2010

O Concello de Burela ofrece unha recepción a Manu e Juan como subcampións de España Sub-18

O Concello de Burela ofrece unha recepción a Manu e Juan como subcampións de España Sub-18

Os xogadores do Burela FS Manuel Jiménez e Juan Quiroga foron recibidos esta tarde no consistorio burelao pola concelleira de Deportes, Neves Cando, nunha homenaxe polo recente título de subcampións de España acadado coa Selección Galega Sub-18, o pasado 21 de marzo. No acto tamén estiveron presentes o directivo da entidade Marcelino Luna e o director da escola deportiva, Alfonso Mera.


Neves Cando loou o traballo dos futbolistas laranxas co combinado autonómico e fíxolles entrega duns pequenos agasallos como recordo da homenaxe.


Manu e Juan contribuíron para que Galicia se alzase co título de subcampioa de España Sub-18 e o Trofeo ao Xogo Limpo en Melilla, hai un par de semanas. Grazas á súa calidade e entrega, o conxunto irmandiño plantouse na final, ante Madrid (6-5), despois impoñerse con claridade a Cataluña e Melilla.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.