30/03/2010

Espectáculo en Vista Alegre con triunfo galego (5-2) ante Libia

Espectáculo en Vista Alegre con triunfo galego (5-2) ante Libia

A Selección Galega Absoluta de Fútbol Sala regresou ao parqué onte, en Vista Alegre, cun novo éxito, ante Libia (5-2), animada pola fiel afección da Mariña. No encontro organizado pola Federación de Fútbol autonómica, Galicia dominou de comezo a fin, cos laranxas Juanma e Revilla no cinco inicial; o gardameta Edu tamén tivo os seus minutos de gloria, defendendo a camiseta autonómica parte do primeiro e segundo período.


Aínda que foron os libios os que se adiantaron no marcador no minuto 4, pouco lles durou a ledicia aos pupilos de Pablo Prieto. A selección africana non puido frear o potencial irmandiño, a pesar do xogo un tanto agresivo dalgún dos seus integrantes. Á chegada do descanso, no que se sortearon dez lotes de material deportivo doado pola Federación Galega de Fútbol, o resultado xa vaticinaba o remate, con 4-1.


No reinicio, Libia tentou meterse de novo no partido co 4-2, pero o combinado galego non lle deu opción e sentenciou o partido cun magnífico lanzamento de penalti executado por Pablo Iglesias, a cinco minutos para o final. O cadro de Pablo Prieto optou pola saída do porteiro-xogador sen fortuna.


En torno a 600 seareiros/as presenciaron o bo xogo do combinado dirixido polo burelista Javier Pardeiro e o pronista, Bruno García, cuxa recadación se destinará aos damnificados de Haití, a través da Cruz Vermella. Na bancada estiveron presentes o responsable da Área de Deportes da Deputación de Lugo, Antón Veiga; o secretario da Federación Galega de Fútbol, Diego Batalla; o presidente e o coordinador xeral do Comité de Árbitros de Galicia, José García Cabreros e Jacinto Artigas; ademais do alcalde de Burela, Alfredo Llano, e a concelleira de Deportes, Neves Cando.


 


Ficha técnica


Galicia: Toni, Juanma, Revilla, Manu e David, no cinto inicial; tamén xogaron Juan Puertas, Víctor Prado, Pablo Iglesias, Pana, Luis, Edu García, Hugo, Edu Saavedra e Canoli.


Libia: Fatah, Rahoma, Suleiman, Hamdi e Yousef, no cinco inicial; tamén xogaron Haimen e Sami.


Goles: 0-1, minuto 4, Yousef; 1-1, minuto 6, Juan Puertas; 2-1, minuto 7, Pana; 3-1, minuto 11, Hugo; 4-1, minuto 16, David; 4-2, minuto 23, Suleiman; 5-2, minuto 35, Pablo Iglesias (penalti).


Árbitros: Martínez Torres e Cid Bragado (Galicia)


Incidencias: Tarxetas amarelas para Suleiman (minuto 30) e Rahoma (minuto 33).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.