Vitoria incontestable do Burela FS en Avilés (0-7)
Os de Suso Rey deixaron ben claras as súas aspiracións de cara ao play off de ascenso cunha vitoria autoritaria na pista do Avilés (0-7), nun choque no que destacou a capacidade goleadora de Manu, con dous tantos de dobre penalti no último treito do partido. Tamén completaron as rotacións Turero e Brais, cunha notable intervención no xogo laranxa.
Anotaron Cristian, Minu e André na primeira parte. Completaron a goleada Dani, de novo Cristian e Manu en dúas ocasións (minutos 36 e 37).
A derrota de Talavera (5-1) co Valverde deixa aínda aberta a posibilidade para os laranxas de ocupar a primeira praza do grupo ao termo da fase regular. O Burela FS recibe a visita do León na vindeira xornada, e os líderes xogan na casa ante o Andorra, que gañou 11-1 ao Lanzarote.
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas