25/03/2010

O CD Burela FS fletará un autobús para a Copa de España de Ourense

O CD Burela FS fletará un autobús para a Copa de España de Ourense

O CD Burela FS, en colaboración coa peña Soles Laranxas, poñerá á disposición da afección un autobús, por xentileza de Autos Morán, para que as persoas que o desexen poidan desprazarse a Ourense, con entrada incluída, para presenciar o enfrontamento entre o Burela FSF Pescados Rubén e o Femesala Elche o venres 9 de abril, nos cuartos da XVI Copa de España.


O bus partirá da estación de Burela ás 8.00 horas do venres. O regreso realizarase ao finalizar o encontro do Pescados Rubén.


Os seareiros/as que o desexen poderán apuntarse á viaxe, ata o mércores 7 de abril, nas oficinas do CD Burela FS (avenida Arcadio Pardiñas, número 97, entresollado, Burela) ou enviando un correo electrónico a burelafs@burelafs.org, no que indiquen nome, apelidos e DNI. A reserva farase por orde de inscrición ata completar as prazas do autobús. Teléfono de contacto: 982 58 18 15.


No caso de que o Burela FSF Pescados Rubén se clasifique para as semifinais do sábado, a entidade laranxa fletará outro autobús para presenciar o partido, que comezará ás 17.00 horas.


Localización: Pavillón municipal dos Remedios


Venres 9 de abril – CUARTOS DE FINAL


10.00 horas: Cajasur Córdoba-Diamante Rioja
12.00 horas: Femesala Elche-Burela FSF Pescados Rubén
17.00 horas: FSF Móstoles Cospusa-UCAM Murcia
19.00 horas: Ponte Ourense-Atlético de Madrid Navalcarnero


Sábado 10 de abril – SEMIFINAIS


17.00 horas: Vencedor do 1º partido-Vencedor do 2º partido
19.00 horas: Vencedor do 3º partido-Vencedor do 4º partido


Domingo 11 de abril – FINAL


12.00 horas: Vencedor da 1ª semifinal-Vencedor da 2ª semifinal

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.