23/03/2010

O fútbol sala feminino entra nas aulas do colexio Virxe do Carme

O fútbol sala feminino entra nas aulas do colexio Virxe do Carme

Integrado no programa de difusión deportiva do club laranxa, as alumnas do colexio burelao Virxe do Carme tiveron a oportunidade de compartir aula e pavillón, na mañá de onte, con membros do Burela FSF Pescados Rubén. O segundo preparador do equipo, Marcelo Santoro ‘Neco’, e as xogadoras Cuchi e Souza achegaron o mundo do fútbol sala ás rapazas de quinto e sexto de primaria, acompañados do xerente do CD Burela FS, Juan Carlos Modia. 


O técnico burelista conversou coas alumnas sobre os beneficios deste deporte, ademais de agasallar a seus pais con pases especiais para asistir ao encontro entre o Burela FSF e o Preconte Telde do vindeiro sábado (19.00 horas). Tras a charla, o pavillón do centro acolleu dous adestramentos, nos que as nenas puideron practicar fundamentos tácticos como control e pase de balón, ademais de realizar lanzamentos a portería.


O adestrador Marcelo Santoro e a ala-pivote Souza regresarán ao colexio Virxe do Carme mañá para compartir unha nova sesión coas alumnas de cuarto curso.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.