Manu e Juan polen os últimos detalles con Galicia Sub-18 para a final nacional
Os xogadores do CD Burela FS Manu e Juan participarán hoxe no último adestramento da Selección Galega Sub-18 con vistas á final do nacional de Melilla, que comezará o vindeiro xoves, 18 de marzo, e rematará o domingo 21.
Santiago Valladares dirixirá esta tarde a última sesión antes de enfrontarse, no Grupo 1, a Cataluña e Melilla; será ás 17.00 horas, no pavillón compostelán de Pontepedriña. No segundo grupo, bateranse Madrid, Andalucía e Castela-A Mancha.
O devandito adestramento estará integrado pola convocatoria definitiva. Xunto a Manu e Juan, estarán Antonio Diz, Ángel Trabada e Jorge Pérez, do Azkar Lugo; Pablo Tallón, David Pazos e Marcos Fernández, do Autos Lobelle; Iván Rey, do Puerto Celeiro; Óscar Morgade e Pablo Parra, do Coruxo FS; e Adrián Roma, do AD FS Bueu.
A expedición irmandiña partirá da Coruña o mércores, un día antes da súa estrea no pavillón Javier Imbroda ante Cataluña (19.00 horas). Se a sorte non os acompaña nesta cita, os galegos terán que medirse ao equipo anfitrión o venres (18.00); non obstante, se se impoñen aos cataláns, o enfrontamento con Melilla será o sábado (19.00). A gran final disputarase o domingo, ás 12.30 horas, tras a loita polo terceiro e cuarto posto (10.30).
Grupo 1º GALICIA, MELILLA e CATALUÑA
Grupo 2º MADRID, ANDALUCÍA e CASTELA-A MANCHA
Localización: Pavillón Javier Imbroda de Melilla
Xoves 18 de marzo
17.00 horas- MADRID-CASTELA A MANCHA
19.00 horas- GALICIA-CATALUÑA
Venres 19 de marzo
16.00 horas- ANDALUCÍA-Perdedor do MADRID-CASTELA A MANCHA
18.00 horas- MELILLA-Perdedor do GALICIA-CATALUÑA
Sábado 20 de marzo
17.00 horas- ANDALUCÍA-Gañador do MADRID-CASTELA A MANCHA
19:00 horas- MELILLA-Gañador do GALICIA-CATALUÑA
Domingo 21 de marzo
10.30 horas- PARTIDO 3º e 4º POSTO
12.30 horas- FINAL
Categorías
- Actualidade
- Reportaxes
- Equipo masculino
- Equipo femenino
- Pioneiras
- Historia
- Turismo
- Educación
- RSC
- Institucional
- Patrocinadores
Reportajes
Noticias destacadas