13/03/2010

As burelás ven escapar o partido ante o Torrejón (1-2) no último minuto

As burelás ven escapar o partido ante o Torrejón (1-2) no último minuto

Último minuto fatídico para o Burela FSF Pescados Rubén hoxe en Vista Alegre. As pupilas de Javier Pardeiro viron escapar o partido ante o pechacancelas de Honra, o Pinto Cellosa Torrejón (1-2), faltando corenta segundos para o asubío final.


Nada facía presaxiar este desenlace. Co talismán de Vista Alegre, o cadro laranxa comezaba o encontro dominando, aínda que sen moita concentración. Pouco a pouco, as xogadoras burelistas atoparon a súa posición na pista, presionando o rival cun continuo asedio sobre a portería rival, que se intensificou no tramo final da primeira parte. A precisión non foi a aliada do Burela FSF neste período e tivo que conformarse con marchar ao descanso co electrónico inalterado. 


Na segunda parte apareceron as primeiras tentativas madrileñas por perforar a meta de Jozi, sen moito perigo. Os goles fixéronse esperar, pero o empeño laranxa viuse recompensado. Foi Lidia a encargada de proporcionarlle ao Burela FSF a vantaxe do 1-0 (minuto 31), disipada por Rocío Toledano (minuto 35) nunha xogada en solitario dende a súa pista.


A saída de Souza como porteira-xogadora foi a baza de Pardeiro, que se converteu nunha arma de dous gumes. As laranxas crearon moito perigo, con ocasións claras ante a porteira madrileña, pero tamén tiveron que sufrir por erros no ataque. A falta de corenta segundos para o final chegou o segundo gol do Torrejón dunha falta dende o bordo da área, que pegou en Dolo e entrou na meta burelá. As mariñás loitaron pola igualada, cunha oporturnidade, incluso, no último segundo de Claudia que a porteira rival despexou coa xema dos dedos. 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.