O equipo laranxa obsequia a afección desprazada ata Xixón co mellor partido da tempada

O Burela FS cumpriu o obxectivo que, de inicio, se marcara para a viaxe a terras asturianas. Coa vitoria por 1-6, os burelaos dan un paso moi importante para lograr a segunda praza de grupo. Os laranxas obsequiaron a afección desprazada ata Xixón co mellor partido da tempada e gañaron con contundencia a un El Llano que, non obstante, comezou adiantándose no marcador.

Javi, Purao e Dani encargáronse de pór xa por diante o Burela FS nos primeiros vinte minutos (1-3, ao final do primeiro tempo). Purao de novo e Juanma nos últimos momentos do choque deixaron o 1-6 definitivo no electrónico para alegría das máis de cen persoas da Mariña que asistiron ao partido disputado ante pouco máis de trescentas, no Pazo dos Deportes da cidade asturiana.