24/02/2010

FS A Mariña inaugura a IV Copa Galega de Balompé con vitoria

FS A Mariña inaugura a IV Copa Galega de Balompé con vitoria

O equipo de fútbol sala da Asociación de Axuda ao Enfermo Mental da Mariña, FS A Mariña, inaugurou onte a IV Copa Galega de Balompé ‘Todos polo Fútbol’ no pavillón burelao Monte Castelo, con vitoria 5-0 ante o Porta Nova de Narón.


Coincidindo con esta primeira xornada, a asociación mariñá fixo a presentación oficial do campionato autonómico, que en 2010 disputará a fase final na vila burelá en colaboración co CD Burela FS, o Concello e a Deputación Provincial de Lugo. Xunto á presidenta do colectivo comarcal, Iris Castro, participaron no acto o alcalde de Burela, Alfredo Llano; a tenente de alcalde, Neves Cando; as concelleiras de Sanidade e de Educación, Sonia Fraga e Lucía Bouza; o directivo do club laranxa Marcelino Luna e a representante do Porta Nova Sara Fernández.


A cuarta edición de ‘Todos polo Fútbol’ reunirá a 11 equipos galegos. Doa, Porta Nova, Lar, Lenda, APEM Carballo, APEM Coruña, APEM Cee, APEM Cambre, Morea Ourense, Morea O Barco e FS A Mariña participarán nunha primeira fase ligueira, con partidos de ida e volta, ata o mes de maio. A finais de xuño reencontraranse na final que organizará a Asociación de Axuda ao Enfermo Mental da Mariña en Burela.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.