08/02/2010

Brais, Turero e Manu entran na convocatoria final de Galicia Sub-20 para o nacional

Brais, Turero e Manu entran na convocatoria final de Galicia Sub-20 para o nacional

Os burelistas Brais, Turero e Manu vestirán a camisola de Galicia no Campionato Nacional de Seleccións Territoriais Sub-20, que se desenvolverá en Santiago de Compostela entre o 10 e o 14 de febreiro.


No Grupo A, o combinado galego debutará o xoves 11 ante o perdedor do encontro Asturias-Aragón e, ao día seguinte, tocaralle enfrontarse ao vencedor do devandito encontro.


A selección de Santiago Valladares clasificarase para as semifinais, do sábado, no caso de quedar campioa de grupo ou ser a mellor segunda. Castela e León, Melilla e Illas Balearas compoñerán o Grupo B e o C estará formado por Cataluña, País Vasco e Estremadura.


Xunto aos xogadores laranxas, que participaron hoxe no último adestramento do combinado (pavillón compostelán Pontepedriña, 17.00 horas), completan a convocatoria irmandiña Antonio Diz, Alejandro Míguez e Iago Míguez, do Azkar Lugo; Ignacio Soage, Héctor Garrote e Diego Quintela, do Autos Lobelle; David Rouco, do Puerto Celeiro; Álvaro Velasco, do Coruxo FCFS; e David López, do Parrulo FS.


Xoves 11 de febreiro


13.00 horas- Perdedor Asturias/Aragón-Galicia
Lugar: Pavillón de Restollal


Venres 12 de febreiro


12.30 horas- Gañador Asturias/Aragón-Calicia
Lugar: Pavillón de Santa Isabel


Sábado 13 de febreiro


10.00 horas- 1ª SEMIFINAL
12.00 horas- 2ª SEMIFINAL
Lugar: Pavillón Multiúsos


Domingo 14 de febreiro


9.00 horas- 3º e 4º POSTO
11.00 horas- FINAL
Lugar: Pavillón Multiúsos

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.