05/01/2010

Los Telares viste o Burela FS Feminino

Los Telares viste o Burela FS Feminino

O Burela FSF Pescados Rubén presentou a roupa de tempada que lucirán as xogadoras e o corpo técnico nos eventos oficiais. A firma española de téxtil Los Telares, dirixida en Burela por Ángeles Marcos, encárgase de vestir a entidade laranxa no exercicio 2009-10.


Nunha tendencia ‘casual’, a indumentaria do equipo feminino comporase de pantalón chinés en ton tostado, con chaqueta de la e cazadora negras.


O xerente do club laranxa, Juan Carlos Modia, agradeceu este novo apoio do empresariado da comarca ao fútbol sala, “sen o que o CD Burela FS non podería chegar ao estatus deportivo e persoal do que goza na actualidade”.


Sita na avenida burelá Eijo Garay, número 12 (esquina coa rúa do Correo), Los Telares ofrece aos seus clientes moda de muller e home, ademais de infantil, baseándose na variedade, calidade e prezos competitivos. O establecemento pon á súa disposición unha ampla gama de talles e estilos que responden á demanda cada vez máis esixente do mercado. A empresa Los Telares, cunha experiencia de 25 anos no sector téxtil en España, posúe máis de 125 puntos de venda repartidos por todo o territorio nacional.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.