05/01/2010

Visita real ao Hospital da Costa

Visita real ao Hospital da Costa

Aínda que sen capa de Oriente, o CD Burela FS visitou onte a sección de Pediatría do Hospital da Costa, na vila, para adiantarse aos Reis Magos. As xogadoras do Burela FSF Pescados Rubén Ro e Marta foron acompañadas polo delegado do equipo feminino Manuel Carballés.


Coma se de paxes reais se tratara, as futbolistas laranxas quixeron facerlles entrega aos nenos ingresados de diferentes agasallos, como peluches ou contos, ademais de interesarse pola súa saúde e falar con eles; os rapaces, pola súa banda, mostráronse moi entusiasmados coa visita burelista.


Esta foi a segunda visita do club mariñán ao Hospital da Costa no que vai de Nadal. Nas vésperas do 25 de decembro, Dolo, Souza, Purao e Revilla xa acudiron ao centro médico como axudantes de Papá Noel.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.