04/01/2010

Aos benxamíns escápaselles a final do 'Cidade de Lugo'

Aos benxamíns escápaselles a final do 'Cidade de Lugo'

O equipo benxamín da EDM Burela FS rematou o seu periplo na fase nacional/internacional do VIII Torneo ‘Cidade de Lugo’ cun meritorio papel, aínda que lle faltou un pouco de sorte. Despois dun empate, unha vitoria e unha derrota, aos pequenos futbolistas laranxas escapóuselles a segunda praza do grupo e, polo tanto, o pase á final.

No seu primeiro enfrontamento, o conxunto burelao soubo estar á altura do CPR A Merced, subcampión da primeira fase do torneo, cun empate (3-3). Ante o Azkar Lugo, os benxamíns mariñáns deron un paso máis, gañando aos transportistas por 1-3. Non obstante, a derrota ante Club del Mar San Amaro (6-3) impediulles aos laranxas clasificarse para as semifinais, a favor do Azkar, que grazas ao seu mellor coeficiente conseguiu a segunda praza do grupo. San Amaro pasou como líder de grupo.

Grupo A Benxamín

Azkar Lugo 5-3 Club del Mar San Amaro
EDM Burela FS 3-3 CPR A Merced
Azkar Lugo 1-3 EDM Burela FS
Club del Mar San Amaro 6-4 CPR A Merced
Azkar Lugo 2-2 CPR A Merced
Club del Mar San Amaro 6-3 EDM Burela FS

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.