11/12/2009

Badajoz, último desprazamento do ano para os pupilos de Suso Rey

Badajoz, último desprazamento do ano para os pupilos de Suso Rey

O CD Burela FS xa se atopa en terras estremeñas para que enfrontarse mañá, no que será o seu último encontro de 2009 como visitante, ao Extremadura Delta Badajoz. O partido arrincará ás 20.30 horas, no pavillón pacense de La Granadilla.


O cadro de Suso Rey chega a esta décimo cuarta xornada de Prata nunha liña de xogo ascendente, con avances palpables no aspecto defensivo. Asentado na terceira posición (25 puntos) grazas aos últimos triunfos encadeados, o Burela FS medirase cun recente ascendido, que ocupa a décima posición (15 puntos) e ostenta o título de máximo goleador do Grupo Norte (67), pero tamén de equipo máis goleado (63). O técnico laranxa ve neste enfrontamento “un partido dinámico e aberto ante un rival moi repregado na defensa e que basea o seu xogo no contraataque”.


Á ausencia de Suso Rey, que liquidará nesta cita a sanción imposta en León, e de Christian, que continúa con avaliacións médicas pola súa escordadura de xeonllo, en Badajoz sumarase a baixa de Minu, que recaeu dunha sobrecarga isquiotibial durante o encontro da semana pasada, ante o OPDE Ribera de Navarra. Como paliativo de vestiario, o xuvenil Manuel volve á convocatoria.


Na cabeza do grupo, o líder, Grupo de Empresas Talavera, visitará a pista do Lanzarote Tías Yaiza (4º) e o segundo, Gijón-El Llano, acollerá o derbi asturiano fronte ao Avilés Oquendo (9º).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.