31/10/2009

O conxunto laranxa continúa líder malia derrota (2-3) ante o Gijón

O conxunto laranxa continúa líder malia derrota (2-3) ante o Gijón

Podía durmir o Burela FS como líder en solitario, cunha renda de tres puntos tras o empate do Avilés, pero un segundo tempo pouco inspirado arruinou o bo traballo feito polos de Suso Rey na primeira metade. O Gijón-El Llano venceu en Vista Alegre (2-3) logo dun gol no último minuto de Aramburu, cando xa non quedaba tempo para máis. O conxunto laranxa sufriu inxustamente durante a primeira parte, cando despregou un xogo que asfixiou os asturianos e puido anotar media ducia de goles, pero segue líder empatado a puntos con Avilés e El Llano. Malia a exhibición de xogo, comezou anotando o Gijón por mediación de Luisjo (0-1. Minuto 2). Javi Rodríguez empatou no minuto 10 (1-1) e ata o minuto 24 non se puxo por diante o Burela FS (2-1, Dani Martín).


Os asturianos crearon multitude de ocasións e puideron marcar máis goles. Certo é que a arbitraxe foi desastrosa e que os mariñaos tiveron as súas oportunidades, pero soubo a pouco o segundo tempo. Israel anotou logo de quedarse os xogadores do Burela parados, por interpretar unha acción que o árbitro non viu, e Aramburu estivo listo no último suspiro cando cruzou un remate desde a frontal da área ao que non chegou Edu. O de Narón é historia á parte. Estivo inspirado e foi determinante nos segundos vinte minutos, nos que o cadro laranxa concedeu demasiadas ocasións aos xixoneses. Sempre enchufado, sempre alerta. Había un afeccionado visitante na bancada que non paraba de levar as mans á cabeza. Os seus xestos non podían pasar desapercibidos. Era a primeira vez que vía cousa á maneira na portería.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.