09/10/2009

Os laranxas esperan manter o seu bo momento ante El Escorial, penúltimo de grupo

Os laranxas esperan manter o seu bo momento ante El Escorial, penúltimo de grupo

Un animoso CD Burela FS viaxa na quinta xornada de Prata a terras madrileñas para enfrontarse mañá ao Camping-El Escorial, penúltimo do Grupo Norte que aínda non conseguiu puntuar na competición ligueira. Os laranxas esperan darlle continuidade ao bo momento que están a atravesar tras a meritoria vitoria da semana pasada ante o Grupo de Empresas Talavera.


A partir das 18.00 horas, o pavillón municipal Navaarmando acollerá un encontro a priori accesible para os pupilos de Suso Rey. Segundo o técnico burelista, os mariñáns non deberían ter demasiados problemas para resolver o partido ante os escurialenses, que aínda non puideron estrearse na súa primeira tempada na categoría: “Os resultados do rival indícannos que podemos impoñernos sen moitas dificultades, pero debemos ser prudentes. O Camping-El Escorial posúe un vestiario con veteranía e xogadores contrastados, onde destaca o ex-internacional Javier Orol, e ten a suficiente capacidade como para apertar a calquera equipo”, explicou Suso Rey.


O CD Burela FS chegará a Madrid cunha soa dúbida para saír á pista, a de Juanma, que sufriu un pinchazo muscular durante o adestramento de onte. 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.