02/10/2009

Os grandes favoritos chegan á Mariña dende Talavera

Os grandes favoritos chegan á Mariña dende Talavera

Ao Burela FS tocaralle recibir, na súa cuarta xornada de Prata, a un dos grandes favoritos do Norte, o Grupo Empresas Talavera, que chega á Mariña igualado cos laranxas na táboa; Vista Alegre acollerá o encontro mañá á súa hora habitual, 18.30.


Os homes de Suso Rey terán que baterse cun dos rivais máis perigosos da categoría, que compuxo o seu vestiario co claro obxectivo do ascenso en 2009-10, ao que se suma o orgullo engadido de posuír a Mellor Afección de Prata 2008-09. Para isto, David Marín nutriu o cadro que abandeira Joan Linares, como máximo goleador da categoría na tempada pasada, con xogadores moi experimentados como o ala-pivote Riquer, do Azkar Lugo; o pivote Kel, que en 2008-09 ascendeu a Honra co Sala 10 Zaragoza; ou os peches Chin e De la Cuerda, procedentes do Ocaña Puertas Uniarte.


Tras a derrota inesperada de Lanzarote e coa consecuente terapia de grupo para corrixir os erros defensivos, o conxunto laranxa, completo de efectivos, buscará os tres puntos neutralizando a un equipo que aposta firmemente por un estilo de xogo ofensivo como a súa gran baza. Con 6 puntos no seu poder, tanto burelaos coma talaveranos precisan gañar para non descolgarse do grupo de cabeza, capitaneado por Avilés Oquendo (9 puntos) e Gijón-El Llano (7 puntos).

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.