17/09/2009

Pescados Rubén será o patrocinador principal do Burela FS Feminino

Pescados Rubén será o patrocinador principal do Burela FS Feminino

Pescados Rubén volve demostrar o seu fondo compromiso co deporte da Mariña co apoio ao fútbol sala e ao CD Burela FS. En 2009-10 será o  patrocinador principal do Burela FS Feminino na súa inminente estrea na División de Honra. As oficinas da empresa na vila burelá acolleron onte a presentación da equipación que lucirá o cadro de Javier Pardeiro na máxima categoría do fútbol sala por toda España; no acto estiveron presentes Rubén Blanco, fundador da factoría, e a súa dona, Cesarina Fanego, o actual xerente, Rubén Blanco Fanego, e o vicepresidente da entidade laranxa Manuel Blanco.


Máis de trinta anos de experiencia avalan a Pescados Rubén na comercialización nacional e internacional de produtos do mar. A empresa, con sede no concello lugués de Foz, posúe un cadro que se aproxima ao centenar de empregados e caracterízase por establecer unha relación próxima e duradeira con clientes e provedores.


Tamén apoian o proxecto feminino a través do patrocinio a Secretaría Xeral para o Deporte da Xunta de Galicia, a Vicepresidencia Terceira  e a Área de Igualdade da Deputación de Lugo mais Xacobeo 2010, ademais de Elena Varela Peluquerías e o IES Monte Castelo.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.