12/09/2009

O Burela remonta en Andorra e estrea a competición cunha vitoria

O Burela remonta en Andorra e estrea a competición cunha vitoria

O Burela FS inicia a competición ligueira cunha vitoria a domicilio en Andorra, onde se impuxo por 2-4. O conxunto laranxa logrou remontar un partido que se puxo costa arriba nos primeiros compases do encontro. Aos dous minutos de xogo, a escuadra andorrana vencía por 2-0 con dous goles de Moisés, o segundo ao transformar un penalti. A pesar deste duro golpe, o equipo dirixido por Suso Rey mantivo a compostura e foi medrando co paso dos minutos ata lograr o control do xogo. Este dominio tivo a súa recompensa cos tantos de Juanma (1-2) e Dani Martín, que estableceu o empate co que se chegou ao descanso. No segundo período mantívose a incerteza no marcador xa que os laranxas non lograban definir as súas ocasións ante un Andorra que apenas xerou perigo. No tramo final de partido Juanma conseguiu inclinar a balanza ao transformar un dobre penalti e Purao sentenciou o choque (2-4) no último minuto.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.