12/09/2009

Set en branco e directas á gran final da Copa de Galicia

Set en branco e directas á gran final da Copa de Galicia

O Burela FSF Pescados Rubén disputará a gran final da XIX Copa de Galicia ao imporse con autoridade ao Ponte Ourense por 0-6. O conxunto dirixido por Javier Pardeiro desarborou co seu xogo e definición -neste apartado Souza foi a gran protagonista ao conseguir un hat-trick- ao cadro ourensán, que partía como favorito pero que tivo que renderse á evidencia desde o asubío inicial. Ao descanso chegouse cun 0-2 favorable ás burelás que na continuación mantiveron a intensidade e acabaron arroiando a un Ponte Ourense que acabou noqueado.
Na outra semifinal, entre o Cidade das Burgas e Meirás, o duelo decantouse polo bando ourensán, que se impuxo con claridade por 7-2 e disputará a gran final contra o Burela. O encontro celébrase o domingo día 13, a partir das 11:00 horas, no pavillón municipal dos Remedios.


Ficha técnica


Ponte Ourense: Dolores, Yeny, Bea, Laura, Marta –cinco inicial- Silvia, Cecilia, Isabel e Greta.


 


Burela FSF Pescados Rubén: Irene, Souza, Dolo, Lidia, Lucía –cinco inicial- Ro, Cuchi, Marta e Lara.


 


Goles: 0-1, m.8, Souza; 0-2, m.10, Ro; 0-3, m.30, Souza; 0-4, m.32, Marta; 0-5, m.34, Lidia; 0-6, m.35, Souza.


 


Árbitros: Delmiro Araújo e Enrique Novoa de Ourense.



Pabellón: Municipal de Os Remedios de Ourense que rexistrou unha boa entrada e contou con unha notable representación laranxa nas bancadas.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.