11/09/2009

Os carnés de socios/as 2009-10 xa están dispoñibles

Os carnés de socios/as 2009-10 xa están dispoñibles

Dende xa, os/as socios/as do CD Burela FS poden retirar os seus carnés nas oficinas do club (avda. Arcadio Pardiñas, número 97, entresollado).


Os abonos para 2009-10 conservan as tarifas da tempada pasada e con eles os socios e socias poderán asistir aos partidos do equipo masculino, en Prata, e do feminino, en Honra. O individual é de 75 euros e o familiar de 125; o xuvenil (14-17 anos) custa 25 e o universitario e de xubilado son de 60 euros. A entidade laranxa recorda que, para recoller as devanditas acreditacións, se deberá presentar o xustificante bancario, no caso de optar pola domiciliación como forma de pagamento.


O equipo masculino, dirixido por Suso Rey, comezará a liga en terras andorranas, o 12 de setembro; o primeiro partido en Vista Alegre será o correspondente á segunda xornada, o sábado 19, ante La Muela-Aragón (18.30 horas). Baixo as ordes de Javier Pardeiro, o Burela FS Feminino estrearase na elite futbolística o día 19, tamén como visitante, ante o Gironella; o día 26 (18.30) xogará para a afección da bomboneira fronte ao Campillos.


Non socios/as. Cara á tempada 2009-10, a xunta directiva decidiu conxelar os prezos para os partidos do primeiro equipo masculino disputados en Vista Alegre: 7 euros, a entrada de adultos/as, e 3 a xuvenil (de 14 a 17 anos), mentres que os/as menores de 14  terán acceso libre.


Nos partidos do conxunto feminino, en Honra, só terán que retirar entrada os maiores de 18 anos, a 3 euros. 

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.