08/09/2009

O Burela FS clausura a pretempada en Narón, coa Copa Galicia

O Burela FS clausura a pretempada en Narón, coa Copa Galicia

O CD Burela FS remata as súas citas de pretempada mañá, mércores, cos cuartos da XIX Copa Galicia na pista do Cidade de Narón; o pavillón das Gándaras acollerá o encontro a partir das 20.30 horas.


Os pupilos de Suso Rey mediranse aos naroneses, de Primeira Nacional A, por segunda vez na pretempada. Na presentación do Burela FS, o pasado 28 de agosto en Vista Alegre, os laranxas non lle deron moitas opcións ao rival coruñés, cun resultado final de 4-1.


Neste último amigable antes do comezo ligueiro, que arrancará o sábado 12 de setembro coa viaxe do cadro laranxa a Andorra, Suso Rey poderá dispoñer de todos os seus xogadores por primeira vez dende o inicio de pretempada.


No caso de superar esta fase, os burelistas teranse que enfrontar en semifinais ao gañador de Muebles Caloto-Autos Lobelle de Santiago, partido previsto inicialmente en torno ao 15 de setembro.

Noticias destacadas

Nun partido tan tolo como igualado, as Guerreiras Laranxas fallan nos penaltis ante un Poio cargado de enerxía.

Na primeira Tarde Laranxa desta tempada, ambos equipos do Pescados Rubén Burela FS se enfrontaron en Vista Alegre ao CD Melistar FS e ao Nueces de Ronda Atlético Torcal.

Un solitario tanto de Dany no segundo tempo bastoulles ás Guerreiras Laranxas para enlazar o seu quinto entorchado nesta competición.