Noticias
16 de maio de 2019
Pescados Rubén visita Murcia, un candidato para a Copa da Raíña
Pescados Rubén Burela FS disputará a antepenúltima xornada de Primeira RFEF Liga Foro 16 Feminismo na pista de UCAM ElPozo Murcia, que pelexa por defender a oitava praza (44 puntos) e o privilexio de participar na Copa de SM A Raíña (Burela, 14-16 de xuño). O pavillón José María Cagigal acollerá a cita o sábado ás 16.15 horas.

“Xunto con Alcorcón, é a saída máis difícil da recta final. É un rival moi forte na casa e sabemos que temos que ir ao cento por cento” explicaba a pichichi laranxa, Peque, que non se fía do 6-0 de Vista Alegre, na primeira volta: “Aquí non despregou todas as súas armas e alí sabemos que será moi complicado. Estamos recuperando as sensacións defensivas, sobre todo na zona alta, pensando xa tamén na Copa da Raíña. UCAM non ten individualidades que destaquen moito, pero é un bloque moi compacto” advertía a 7 burelista, volvendo á normalidade tras o seu compromiso con España, xunto a Luci, en Moscova, ademais de Jenny, con Portugal: “Tivemos unha semana atípica, moi dura fisicamente, con 4 partidos para as internacionais, entre o Torneo 9 de Maio e a liga. Esta semana volvemos á normalidade, cun inicio de recuperación e imos a por todas”.

O equipo partirá esta noite con rumbo a terras levantinas.


Convocatoria Pescados Rubén Burela FS: 1. Jozi, 3. Dany, 6. Cilene, 7. Peque, 8. Cami, 9. Jenny, 10. Lara Balseiro, 12. Ana Romero, 14. Bea Mateos, 18. Popó, 19. Lucía


Futsal de luxo


“É a terceira vez que Burela acolle a Copa de España, para nós é un orgullo e unha honra. Non é froito da casualidade, é a mostra máis de que as cousas estanse facendo ben aquí. A Copa é sempre un campionato especial; este ano temos a oportunidade de gañalo na casa e iso faio aínda máis atractivo”, explicaba así Peque o ambiente que se respira no vestiario laranxa, ante a nova Copa de SM A Raíña.

Outro duelo madrileño para Futsi


Futsi, no cume e empatado coas Guerreiras con 75 puntos, terá por diante outro duelo madrileño, con Majadahonda (undécimo); será ás 18.15 horas.
Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores