Noticias
9 de maio de 2017
O Pescados Rubén e Tomás de Dios rescinden contrato

Os camiños do Pescados Rubén Burela FS e Tomás de Dios separaranse o 30 de maio. Ambas as partes decidiron rescindir o contrato, que contemplaba as dúas próximas tempadas, tras non chegar a un acordo no proxecto 2017-18 en Segunda División.
“Algunhas das peticións de Tomás non coincidían co proxecto da directiva. Traballaremos con ambición, pero tamén coa condición de club humilde que sempre nos caracterizou, por un proxecto ilusionante, pero tamén realista, sempre cos pés no chan” explicaba o presidente do Pescados Rubén, Manuel Blanco, agradecendo a “dedicación e profesionalidade” do técnico durante estes meses na Mariña e desexándolle “o mellor dos futuros”. “Tomás sempre terá as portas deste club abertas”, puntualizaba o dirixente laranxa.


Tomás de Dios López (Bordeos, 1965) tomou as rendas do equipo en xaneiro tras a despedida de Daniel Ibañes, nunha mala etapa de resultados. Baixo as súas ordes, o equipo mariñán disputou as semifinais de Copa do Rei, clasificouse para a final da XXVI Copa Galicia, co título de subcampión tras caer fronte ao Santiago Futsal, e pelexou ata a última xornada pola permanencia na mellor liga do mundo.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores