Noticias
22 de agosto de 2016
Dany súmase esta tarde á pretempada burelista

Despois de finalizar con éxito os trámites burocráticos no seu país, a brasileira Daniela Domingos Lopes, Dany, reunirase esta tarde coas súas compañeiras para unirse ao traballo de pretempada do conxunto de Lucas e Julio Delgado.


A 3 laranxa poderá entrar na rotación para o segundo compromiso das mariñás, este mércores fronte á Selección da Costa da Morte, en Dumbría (O Conco, 20.00 horas), como antesala do inicio de Supercopa de España; o partido de ida fronte ao Atlético de Madrid Navalcarnero será o sábado ás 18.00 horas (La Estación) -EN DIRECTO POR STREAMING.



Triangular ourensán
Na súa segunda semana de preparación, a renovada escuadra burelista estreou a axenda de amigables o sábado pasado na cidade das Burgas, ante dous rivais de Primeira División. Un gol de Silvia Rubal deulles o empate (1-1) ás mariñás fronte ao anfitrión, Ourense Envialia. O Pescaos Rubén pechou a súa primeira cita con Poio Pescamar FSF con 3-0 en contra. Experiencia e mocidade compartiron minutos sobre a pista con Jozi, Nerea, Bea Mateos, Lara, Judith, Silvia Rubal, Paula Cortiñas, Sofía, Elvira, Helena e Sabela.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores