Noticias
9 de abril de 2011
Vitoria do Burela FS ante o equipo azulgrana (5-3) logo dun final brillante

Viviu Vista Alegre un deses partidos vibrantes que se deixan ver de vez en cando e que levantan a afección burelá. O equipo que dirixe Suso Rey perdía a falta de tres minutos para o final, cando se puxo a xogar con Purao de porteiro xogador e levantou un marcador que daquela mostraba un inquietante 2-3. Primeiro anotou Purao un excelente disparo para o empate, no minuto 37, e, pouco despois, Víctor Chacón remataba desde o lado dereito un balón que pegou en Roger e entrou para subir o 3-4 ao electrónico. Juanma rematou a faena (5-3, minuto 39) despois dun roubo de balón cos cataláns xogando con porteiro xogador.

Un partido que empezou mal o Burela FS, recibindo un gol de Asenjo no minuto 7 (0-1) e índose ao descanso con desvantaxe, finalizou cunha vertixe impresionante. Importante esta vitoria que deixa o conxunto laranxa co play off a tiro de pedra a falta de poucas xornadas para o final.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores