Noticias
28 de xaneiro de 2010
Visita laranxa ás escolas deportivas de Mondoñedo

Dentro do seu programa de promoción do fútbol sala, o CD Burela FS visitou onte unha das máis firmes apostas por este deporte na Mariña, a de Mondoñedo. Ás escolas deportivas da cidade cunqueiriana acudiron o adestrador do primeiro equipo masculino, Suso Rey; o segundo preparador do Burela FSF Pescados Rubén, Marcelo Santoro ‘Neco’; o ala Javi Rodríguez; a porteira Jozi e o directivo José Luís Sáez. 

Unha trintena de rapaces e rapazas, acompañados do técnico de Deportes do concello mindoniense, Raúl González-Redondo, compartiron a xornada futbolística cos representantes laranxas. A sesión comezou ás 16.30 horas, con exercicios de quentamento e xogos de colaboración, que deron paso aos fundamentos tácticos, centrados en control, conservación e pase do balón e xogo modelado. A visita finalizou ás 18.30 horas, despois dunha distendida charla entre o alumnado mindoniense e o persoal burelista.

Introduce unha palabra para realizar a búsqueda de coincidencias entre todas as noticias.
Ou busca no noso arquivo as noticas publicadas con anterioridade.
Patrocinadores