Entrevistas
8 de febreiro de 2011 A Mariña-El Progreso // Foto: C.E.
Pardeiro: 'Estou contento por manter a imbatibilidade ante os aspirantes ao título'

[…] Se hai dúas semanas o Burela FSF Pescados Rubén foi capaz de romper a dinámica do Móstoles FSF, que non cedera ningún punto en toda a liga, con 0-0 no Vista Alegre, a fin de semana pasada chegou a quenda do Ponte Ourense. O cadro das Burgas sumara todos os puntos que se xogaran nos Remedios ata que chegaron as pupilas de Pardeiro, que empataron 1-1.

O adestrador amósase moi satisfeito co inicio da segunda volta, aínda que recoñece ter “unha espiña cravada” por non gañar a ningún dos intratables. “Teño que estar contento porque mantemos a etapa de imbatibilidade despois de xogar ante os dous únicos aspirantes ao título, pero quédame un pouco a pena porque puidemos acadar máis de dous puntos”, comenta Pardeiro, que engade que o Burela FS tivo posibilidades de en ambos os partidos.

O choque de Ourense resultou menos duro do esperado para as mariñás, segundo comenta Pardeiro. “Penso que a lesión de Ampi condicionou o xogo do rival. O Ponte basea a maior parte do seu xogo nesta futbolista e recibiu un duro golpe, sobre todo no aspecto psicolóxico” explicou o técnico laranxa. […] “Penso que puidemos acadar unha boa renda, pero só marcamos un gol e despois cometemos un erro de marca que nos custou o empate. O rival só foi superior no último tramo da primeira parte”, sinalou. […]

Introduce unha palabra para realizar a búsqueda de coincidencias entre todas as entrevistas.
Ou busca no noso arquivo as noticas publicadas con anterioridade.
Patrocinadores